الحساب
مسح الحساب في جيرة
آخر تحديث: 10 نوفمبر 2026
من حقك تمسح حسابك في جيرة (تطبيق سكان العمارة) في أي وقت. تقدر تمسحه بنفسك من التطبيق، أو من الفورم اللي تحت من غير ما تنزّل التطبيق.
1. إزاي تمسح حسابك
- من التطبيق: افتح «المزيد» ← «امسح حسابي»، واكتب الباسورد، واضغط «امسح حسابي نهائيًا».
- من الموقع: اكتب كود العمارة ورقم الشقة والباسورد في الفورم اللي فوق، وعلّم على الموافقة، واضغط «امسح حسابي نهائيًا».
- لو مش فاكر الباسورد: إدارة العمارة تقدر تعملك باسورد جديد، أو كلّم دعم جيرة من الأرقام اللي تحت وهنساعدك بعد ما نتأكد إن الحساب بتاعك.
المسح بيحصل على طول، وبعده بتخرج من التطبيق على أي موبايل كنت داخل منه.
2. إيه اللي بيتمسح
- حسابك نفسه: اسمك، رقم موبايلك، صورتك، والباسورد.
- رسايلك في شات العمارة.
- بوستاتك وتعليقاتك في «الجيرة».
- إعلاناتك في «سوق العمارة» وصورها.
- تصاريح الزوار اللي عملتها.
- الإشعارات بتاعتك.
- حجوزات المرافق اللي لسه جاية بتتلغي.
3. إيه اللي بيفضل، ومن غير اسمك
شوية سجلات بتخص الشقة وحسابات العمارة، مش بتخصك إنت كشخص، فبتفضل عند إدارة العمارة لكن من غير اسمك (بتظهر باسم «مستخدم سابق»):
- مستحقات الشقة ومدفوعاتها وصور الإيصالات، لأنها جزء من حسابات العمارة.
- البلاغات اللي بعتها، لأنها سجل صيانة العمارة.
- صوت الشقة في التصويتات والإعجابات، وحجوزات المرافق اللي فاتت.
السجلات دي بتفضل طول ما العمارة مشتركة في جيرة، ولما اشتراك العمارة يتلغي بتتمسح زي ما هو موضح في سياسة الخصوصية.
4. بعد المسح
الشقة بتبقى متاحة لطلب انضمام جديد. لو حبيت ترجع، نزّل التطبيق وابعت طلب انضمام من الأول، والإدارة توافق عليه.
لو إنت مسؤول في إدارة عمارة وعايز تمسح حساب الإدارة أو بيانات العمارة كلها، كلّم دعم جيرة.
5. محتاج مساعدة؟
لو واجهتك مشكلة في مسح حسابك أو عندك سؤال عن بياناتك، كلّمنا وهنرد عليك.